പത്തു വർഷങ്ങളായി താമസിച്ചുകൊണ്ടിരിക്കുന്ന സ്ഥലം... അത്രയും കാലംകൊണ്ടുതന്നെ നികുതിയും കൊടുത്തുകൊണ്ടിരിക്കുന്നു.. വൈദ്യുതി, വെള്ളം തുടങ്ങിയ ചാർജുകളും സർക്കാരിലേക്ക് കൊടുത്തുകൊണ്ടിരിക്കുന്നു...
ഇപ്പോള്‍ 'പരിസ്ഥിതിലോലപ്രദേശ'മെന്ന കാരണത്താൽ മരടിലെ പാർപ്പിട സമുച്ചയങ്ങൾ പൊളിക്കണമത്രേ??
എന്റെ ചോദ്യമിതാണ്... ഇത്രകാലം എവിടെയായിരുന്നു ഇപ്പോള്‍ 'ഫ്ലാറ്റുകൾ പൊളിക്കണമെന്ന്' വിധി പ്രഖ്യാപിച്ച നിയമവ്യവസ്ഥ??
പരിസ്ഥിതിലോല പ്രദേശത്ത് കെട്ടിടങ്ങൾ നിർമ്മിക്കാൻ അനുവാദം കൊടുത്ത സർക്കാർ സംവിധാനങ്ങളും, നിർമ്മാണം നടത്തിയവരുമല്ലേ ഇന്നത്തെ അവസ്ഥയ്ക്ക് ഉത്തരവാദികൾ?? യഥാര്‍ഥത്തിൽ ശിക്ഷിക്കപ്പെടേണ്ടത് അവരല്ലേ?? വൈദ്യുതി കണക്ഷനും, വാട്ടർ കണക്ഷനും നൽകിയവരും ഉത്തരവാദികളല്ലേ??
ടി പാർപ്പിട സമുച്ചയങ്ങളിലെ താമസക്കാരിൽനിന്നും ഇക്കണ്ടകാലമത്രയും സർക്കാരിലേക്ക് നികുതിയും പിരിച്ചിട്ടുണ്ടല്ലോ?? അതൊക്കെ തിരിച്ചുനൽകാൻ സർക്കാർ സംവിധാനങ്ങളും നിയമവ്യവസ്ഥയും തയാറാകുമോ??
സർക്കാർ സംവിധാനങ്ങൾക്കെതിരേയും ടി സ്ഥലത്ത് കെട്ടിടങ്ങൾ നിർമ്മിക്കാൻ അനുവാദം കൊടുത്തവർക്കും, നിർമ്മാണം നടത്തിയവർക്കെതിരെയും നിയമനടപടികൾ സ്വീകരിച്ചാൽ കിടപ്പാടം നഷ്ടപ്പെടുന്നവർക്ക് നഷ്ടപരിഹാരമോ പകരം താമസസൗകര്യങ്ങളോ ലഭിക്കുമെന്നുണ്ടങ്കിൽ ആ വഴിക്കു നീങ്ങാനും ബാധിക്കപ്പെട്ടവർ ശ്രമിക്കണം.
സകല സമ്പാദ്യങ്ങളും മുടക്കി സ്വന്തമാക്കിയ കിടപ്പാടം നഷ്ടപ്പെടുവാൻ പോകുന്ന ഒരുകൂട്ടം മനുഷ്യരുടെ വേദന മനസിലാക്കാൻ വൈകിയവേളയിലെങ്കിലും നീതിന്യായ വ്യവസ്ഥയ്ക്ക് കഴിയട്ടെ എന്നു പ്രത്യാശിക്കുന്നു...
#ഉദ്യോഗസ്ഥ_അനാസ്ഥമൂലം_മരടിൽ_സകല_സമ്പാദ്യങ്ങളും_നഷ്ടപ്പെടുവാൻ_പോകുന്ന_ഒരുകൂട്ടം_മനുഷ്യർക്കൊപ്പം.
No comments:
Post a Comment