നേര്‍ക്കാഴ്ച -- കസേരകളി

മുഖ്യനും തലവനും കസേരകളി തുടങ്ങി...

തലയ്ക്ക് സചിവനാകാന്‍ ആഭ്യന്തരംതന്നെ-

വേണമപ്പോഴതു രസിച്ചില്ല മുഖ്യനും..

കസേരകളിക്ക് തുടക്കമവിടെത്തുടങ്ങി.

കസേരകളിയില്‍ മുഖ്യനതികേമന്‍

മുന്‍പൊരു ലീഡറെ ‘ലാഡറാക്കി’യൊപ്പമെത്തി-

യൊടുവിലാ ലീഡറെ ‘ഡീലറാ’ക്കി

‘ചാര’വും പൂശിപ്പുറത്താക്കിയതികേമനായി.

ഐസ്ക്രീം രുചിച്ച കുട്ടിക്കുമൊരുമോഹം

മുഖ്യന്‍റെ കസേര പകുത്തുവേണം...

അതുകേട്ടു ദുരമൂത്ത പാലാകാര്‍ന്നോര്‍

മുഖ്യക്കസേരയിലുന്നംവച്ചിടതുഭാഗത്തേക്ക് നോക്കി.

ഇടതിന്റെ മനസ്സിലും ലഡ്ഡുപൊട്ടി....ഒത്താലൊരാറു-

മാസമതുകഴിഞ്ഞാല്‍ വലിച്ചിടാമെന്നു നിനച്ചു...

കുട്ടിക്കും കാര്‍ന്നോര്‍ക്കുമതു തിരിഞ്ഞപ്പോളതി-

മോഹമൊക്കെ മാറ്റിവച്ചതോ...പുതിയകളിക്ക് കോപ്പുകൂട്ടുകയോ ??

ലീഡറെ ചാരംപൂശിയ മുഖ്യനിന്നു വിയര്‍ക്കുന്നു

‘സോളാറി’ന്‍റെ ചൂടിനാല്‍...

അന്നു കൂട്ടുനിന്നൊരു മാധ്യമങ്ങളിന്നു വിചാരണ-

ചെയ്യുമ്പോളേറെപ്പരിതാപമോടോര്‍ത്തീടുമാക്കഥയൊക്കെയും.

ഏറെ സുതാര്യമെന്ന് ഘോഷിച്ചോരാഫീസില്‍

ജോപ്പനും-കൊപ്പനും ജിക്കുവും-മക്കുവും

സരിതയും-സോളാറുമഴിഞ്ഞാടിയ കഥകള-

റിഞ്ഞിലന്നു പറഞ്ഞാലതു പച്ചക്കള്ളമെന്നേ പറയേണ്ടൂ.

  

സഹചാരികള്‍ ഭുജിച്ചൊരമൃതിന്‍രുചി

മുഖ്യനറിയീലയെങ്കിലുമാഭോജനം

കണ്ടീലന്നു പറയുന്നതയ്യയ്യെ കല്ലുവച്ചനുണ-

യെന്നു വിളിച്ചലറുന്നു ജനം.